ALIN-KEVITRY ANDIANY 2020 -« Zaka manañ’aiñy »
2 min read
ALIN-KEVITRY ANDIANY 2020 -« Zaka manañ’aiñy »
Tsisy olombeloño miaiñy ambony tany eto kay nangatahaña alalaña alohan’izy ho veloño. Misy ny mivolaña fa fañomëzaña baka amin-dRañahary ny fiainaña, ao koa irô mivolaña fa baka amin’ny raha hafa zeñy. Kay mipëtraka amin’izay fañontaniaña : Asa velombelom-poaña ankitiñy ny olo ? Aviô hiaiñy mba hañino ma olombeloño ‘ty ? Hiaiñy mba ho faty sa ho faty mba hiaiñy ?
Niodinkodiñy tamin’io kabaron’ny «Zaka manañ’aiñy» io ny Alin-kevitry, niarahaña tamin’ny «Institut Français» sy ny «Alliance Française» mañëran-tany, nankalazaiñy tamin’ny faha 30 Janoary 2020 lôso tiô iñy. « Alin-kevitry » satria, fiainaña tsy vitan’olo araiky, «tôndro tökana tsy mahazo hao», ary anavatsavàña ny raviny zeñy no ahitàña ny fàkany. Fotoaña araiky nifampizàraña hevitry mañodidiñy ny hoe : ino mariñy ma ny Zaka manañ’aiñy ? Miady hiaiñy sa tëña miaiñy ?
Añisany nankalaza ‘zeñy ny teto Antsirañana, izay sambany tamin’ty taoño ‘ty. Maro ny zaka natao nindesiñy nañamaharihaña ity hetsiky ity ary mpisëhatra baka amin’ny lafin-draha maro no nikahiaña handray anjara tamin’ity andiany 2020 ity, añisan’zeñy irô baka ao amin’ny Foibem-paritry misahaña ny tontolo iaiñana ndraiky irô baka amin’ny Oniversiten’Antsirañana. Tao koa ny fandraisaña anjaran’ i Cerveau Kotoson sy Momo Jaomanonga, izay sady mpiantsa tononkalo no mpanöratra ary i Claudio Karany mpampianatra Teolojia sy filozofia.
Nahitam-bokany ma ity hetsiky andiany voalohany ity satria samby niombon-kevitry aby ny tsiaraikiaraiky fa tokony hamitrahaña fañontaniaña matetitetiky ny mikasiky ny olombeloño sy ny zaka manañ’aiñy jiaby. Mazava hoazy fa hisy ny andiany mañaraka amin’ity hetsiky ity.
Omegaslla
